孕婦相企劃＋靚媽生活手記

好多人都問我會唔會影大肚相

梗係影啦！因為之前plan 今年5月影北海道pre-wedding

而家變左1月婚都結埋等7月生仔

生完仔又唔知仲有冇閒情補影

幾大都影左先！

plan左想影一輯雙人簡單舒服feel
同埋一輯單人可以小清新＋唯美D大膽DD既
yeah yeah 期待

有朋友早前見到有個間公司搞 giveaway，叫我不如參加下

點知又好lucky中左獎，呢輯雙人相就咁鐵定左

當埋Post wedding殺住先

仲好快收到通知同約期tim
touchwood而家冇咩肥到又冇腫，個肚又冇紋滑滑淨
希望到時影相仲keep到啦！

收到條款都列明得好清楚

影1小時影樓 good, 舒舒服服hea影岩曬

15張照片檔 good, 呢D相唔使多，其實幾張就夠

即使加相都係88蚊1張，可以接受

唔連化妝 good, 我鍾意自己化

唔連服裝 ok, 又比個機會我買下靚衫

唯一係揀相至攞相要4個月就有D耐

book左4月尾影，4月尾我都有左7個月

影完4個月後即係8月尾先有得攞，

即係7月頭生埋仔先有得到手，

分分鐘果時淼淼都影左寫真lu, 噢～～

不過免費既咪咁奄尖 

好在仲有輯plan緊既單人大肚相可以止住咳先 <3

返黎教班又見到呢個美麗花園
估唔到當初最不起眼和驚喜的紅玫瑰🌹
兩天後盛放得比手掌心更大🌺



加埋鬱金香，好大棵


多謝老公！

當個肚愈黎愈大，屋企著到既衫愈來愈少
又冇時間出街慢慢買，就試下網購啦👗

唔想下下買D孕婦專用裙
之後著唔返，又孕味濃郁，又貴🙅🏻🙅🏻
主力上網搵韓牌鬆身連身裙
生完都仲著得返😇😇😇
都係入數後等順豐就ok👍🏻
尋日收到貨了
Packing厚身磨砂膠袋幾有誠意，
實物跟圖片一樣
（其實係白色黎，屋企黃燈睇落小小黃左）
上手個質料都好滿意
試著左應該可以著到第8個月
不過佢要dry clean or hand wash 就煩dd

半夜肚仔餓之爬入廚房搵野食篇🍴

其實而家除左教班同之前定左既工作
我都keep住唔出街，響屋企養胎
話說早兩日水生去左台灣✈
撞岩奶奶放假，
就黎左呢個山卡啦之家照顧下我
奶奶一出手便是四餸一湯白飯任裝
夠我午餐晚餐全日食 🍛🍲🍛🍲🍚
最勁係買左雞翼放定響雪櫃🐔🐔🐔
呢一刻就變左我既宵夜啦😋😋
奶奶萬歲🎊🎊🎊


人類反訓之最高境界😨
水生不嬲都話我好多夢發💭
成日訓覺反來反去，拳來拳往👊🏻👊🏻👊🏻
我都知我係好反訓既😴😴
不過冇諗過大住肚都可以反訓到攬爆左左U型枕
水生話驚呢個攬枕捱唔到我生B。。。


呢排聽親彭羚都特別感觸
但感觸同隻歌冇關
只係因為覺得一個咁有歌唱才華既女人
就此收山真係好可惜
亦很好奇點解佢又甘於做一個全職媽媽
而每次出現又會臉帶幸福甜蜜的笑容

家庭同小朋友的威力，
嗯～慢慢領略中............