孕期零藥物之堅持！

因為知道用藥對BB唔好，呢6個半月我幾唔舒服都好，
都冇食過一粒西藥！💊🙅🏻🙅🏻
但由秋轉冬再到春天，邊有可能冇病過，
之前作病都會食維他命等佢自然好返，但較急既痛症，
維他命去唔到咁快好返既效果
經一位資深中醫介紹用左呢個貼，
（其實中醫角度都一樣，中藥亦係可免則免）
其實佢話痛都係因為經絡不通，呢個貼可以通經絡，
用法係一塊貼手脈門位，另一塊邊度痛就貼邊度，
我試過頭痛，鼻塞，喉嚨唔舒服，心口翳，腰酸，坐骨神經痛，通通都得
尋晚應該訓覺果陣攝親，今日起身果陣頭痛喉乾，
特別係個頭痛到想炸開咁，下午一貼完訓返覺，
3粒鐘後又一條好漢，今晚又可以如常教班，
真係快同健康過食藥💪🏻💪🏻💪🏻💪🏻💪🏻

最正係坐骨神經痛都得，因為坐骨神經痛係職業舊患，
食藥塗藥油都唔一定止痛，而家有左唔可以去按摩/推拿/鐵打，
有時痛到朝早訓醒自己不能自行起床，叫老公幫我翻轉身貼，都係靠佢救命


響屋企訓完一覺精神好多，冇頭痛啦已經💪🏻
之後老公車我返學校準備今晚教班
順便我又陪佢做野✌🏻️✌🏻✌🏻✌🏻
淼淼奶粉錢響曬度啦💁🏼🍼👶🏻


同學仔問我淼淼識郁未，佢話見過朋友個BB會成個拳頭打橫掃👶🏻
佢暫時都係識轉身咋，我都好期待佢快D揮拳伸手👊🏻👋🏻👋🏻


尋晚教完班，今朝又晨雞咁早做學生📚📚

要管理一間學校，真係永遠都有學唔完既野💭

‪一個人價錢兩個人上堂好抵‬，‎淼淼記得專心聽書‬！
‪‎唔多夠訓口腫面腫‬

淼淼愈來愈巨，今日用左條托腹帶
太鬆托唔到，太緊cool住又驚淼淼唔舒服
佢成朝係咁撞個肚皮，👊🏻👋🏻👋🏻
即係算係鍾意定唔鍾意呀....？
理論上BB應該喜歡緊緊包住既安全感吧？👶🏻
但都忍唔住放break果陣較返鬆小小

點解好似每日都有新發現想買咁既🙈
個feel好似以前剛剛學化妝，想成個專櫃搬返屋企咁💸💸💸💸💸
上ikea個網見到，好似好實用咁💭💭
因為淼淼而家係冇儲物空間架，點都要一個櫃擺野👶🏻
但原來朋友意見都唔會買個換片櫃
一來太高BB唔安全，二來佢突出黎其實好阻訂
三來木櫃比較易有蟲，用膠更易清理
最後結論係用換片墊響張枱/床度換+正正經經一個膠櫃 is the best!

雖然natures purest 用品大家都激烈推介，

我都非常滿意同安心，但全部full set 兼替換都用呢個，

真係好融......💸💸💸💸💸💸
朋友推介我睇下Peter rabbit, 都係全棉黎，可以溝住黎用下
即刻上網睇睇，好靚呀呢套🎀價錢又ok💁🏼
淼淼小公主的床鋪👶🏻🌸



得閒又上網爬文溫書📚
雖然決定餵人奶，但都決定睇定D奶粉先👶🏻
基本要求淼淼岩口味，腸胃健康，唔好敏感已經ok
咩野促進腦唔腦部發展果D就好其次～
就咁睇資料，雪印好似都幾好
不過個個朋友都話其實到時要試飲左先知🍼

奶粉真係仲難揀過碎粉！

老公呢排好努力搵奶粉錢💰💰💰
Day day早出晚歸🏡🏃🏻
連一向精力爆滿既水生
返到屋企都已經攰到要即刻訓覺😴
每晚佢最enjoy就係摸住淼淼入睡👶🏻
淼淼都有胎動回應，獎勵一下辛勤的水爸爸
頭先水爸臨訓前話：
＂呢一刻摸住既感覺好似三為一位，辛苦你啦老婆👨‍👩‍👧＂
嗯～你知就好啦，陀仔真係辛苦架