第一次去BB展，已手入大盤點！

第一次去一田BB展，同一樣野有幾廿個牌子揀
我同水生睇到頭暈又眼花啦 ＠0＠


經即時問朋友有邊隻推介＋格價＋比較贈品實用度後
(果個moment已變身水師奶mode)
作戰達1.5小時已收兵！

其實真係好難揀，因為冇經驗，亦唔會預知到D野到時岩唔岩用
都係估估估，不過都買左D必需品先～～～
雖然仲有3個半月先生得，不過真係買定都差唔多
因為個肚再大D未必有力咁同人迫法，仲要就埋老公得閒一齊去wor
都係早D買定好！

見到揹帶平均都平幾百蚊，
呢D反正都要買既野，就早買早試定

左邊呢條佢話係可以平訓響度，
話係初生baby都用得，
不過問左各方好友意見後，
話頭3個月都唔會點出街，
bb size 細，手抱已OK，都唔會用到
加上横抱啲力聚哂一邊，會酸到不得了
最後決定右邊呢條(揀左粉紅色)
可以拆件餵奶果陣托一托
最緊要防水，呀B嘔奶都唔會太難清理


平時血拼幾粒鐘都唔成問題，但陀住6個半月BB，
加上愈晏愈多人焗到我又暈又口乾仲想嘔，
同埋買完以上物品已經好攰，
徹退！

多謝各位朋友極實用意見，

已經買左以上基本物品

DR.brown奶樽 
(朋友話呢隻個啜咀防入風氣脹，BB冇咁易嘔奶，同埋可以買小量黎用住先，因為BB唔岩啜有機會會轉)

nuk奶樽消毒器 
(個架拆得走，第時唔用奶樽可消毒其他BB用具，有4個奶樽，清潔刷同奶咀送)

nuk暖奶器 
(朋友話個個牌子差唔多，有2個細refill奶樽送)

medela 泵奶器 
(好多人推介呢個牌子，折左都覺得好貴)

swing 單泵 $18xx  雙泵$29xx

個個都話freestyle 雙泵果隻好用，但折左都要 $4xxx，太貴！

決定用住swing雙泵先！！(有外攜冰袋＋4個奶樽送)

todbi 氣墊揹帶 (粉紅色，上圖已講解) 

咁就盛惠6k💸💸💸


好友推介呢隻可以一路返工一路泵奶，
極岩坐完月要返工既半職媽媽，勁有興趣！
不過一田冇，可以遲D睇先！

而BB車好多人建議生左先買都得，因為都4-5個月打後先坐得，

原本想睇埋床，太焗頂唔順，閃人先！

但感覺上係仲有好多野未買！！！！！！

個水喉好似而家先剛剛打開咁，勁恐怖～～～

入院裝備諗住去護協買，齊D＆平D！

順便盤點一下已手入的所有用品

以下都係好友贈送系列

呢個勁實用！正！！果然係經驗級媽媽送既禮物

淼淼第一套衫仔，

果時朋友仲未知佢男定女，所以揀粉黃色真係醒目！

坐墊＋餵奶兩用枕，
其實都唔完全屬於BB用品，因為而家已經用緊

新年果陣bread＆ butter的抽獎禮物

果時咁岩已經知道係生女，覺得好岩用

不過有排都未用得著。。。。。 

6個半月之淼淼用品盤點完畢

不過呢刻我仲努力睇緊一田張野睇下有冇買漏。。。。

雖然知道5月好似有BB展

不過果時個肚都成8 個月大，未必會去同人迫～～

尋晚老公突然興奮話諗到淼淼個細佬/細妹叫咩名，

仲好興奮咁拎比我睇!

呢個字有兩個讀音，讀漫/裊
佢話細妹叫漫漫，細佬叫裊裊

淼淼都未出世，搞掂第一個先啦>.< 

今日咁倒水式破財都唔識驚既！！！！！
咁多水，屋企水浸啦真係
日日煲去濕茶都唔掂啦！
水生真係鍾意小朋友鍾意到顛左，
救命呀吼~！

其實我真係好鍾意暗淼淼訓覺呢隻野👶
自己都好耐未試過臨訓前會攬住隻公仔，成件事突然好童真👧
聽下兒童音樂，自己心情都有靜下來了
到底係隻野係買比淼淼定滿足自己買玩具既私欲呢？
一隻公仔兩份玩都好抵丫😆


真心感激，無盡感動😭😭😭😭😭
我的乖乖學生bell去到日本，都不忘為我和淼淼祈福👶

付出的愛不一定需要回報，
但一份愛的回應已讓我差滿電努力走下去👭
many thankssssssss