事業型孕媽心聲

而家每日睇既唔再係粉底同唇膏邊隻好用或者咩牌子有新款💄
而係日日上網就係爬奶粉或者尿片的試用文📱🔍
我既人生好似而家先真正重新學習人類食訓痾既奧義💁🏼🍼😴💩

響我同水生付出緊比淼淼既同時，雖然告別左自由自在的精彩生活，但其實佢都帶比我地好多野，一個男人同一個女人有了孩子後，思想和行為共同成長，變成真正完整的人生。最神奇係由細到大勁憎做運動，都可以令我乖乖地去做yoga!! 又睇住水生呢個大男孩亦變得更完整，一個真正承擔同負責任既男人👫

諗起我媽24歲就生左我呀哥，即係佢咁後生就要立即成長要變身成人mode既呀媽，我已經比佢嘆多左9年快活人生先做人呀媽，三十幾歲人都覺得啲野好煩，好拿手唔成勢，到底佢係如何奇蹟地涯大我地3個? 終於明白做人呀媽唔使ready，因為佢黎左你就會即刻令自己ready好!
雖然驟眼睇我媽只係一個尋常既家庭主婦，但我由細到大除左傷風感冒，touchwood真係冇咩大病要入廠維修，零入院紀錄，淨係呢樣野，已經係一種成就，我真係覺得勁到要比like加鼓掌!👏🏻👏🏻👏🏻👏🏻

最後作為一個事業型孕媽心聲，從來都唔打算生，兩個人自由自在甜甜蜜蜜多好，閒時有錢去下旅行嘆世界，何必攞苦黎辛？！仲要搞到之後胸又墮曬兼成肚紋？！到左呢刻，我諗我若干年後，我唔會後悔生淼淼呢個決定，反而如果冇生到，就好有機會第時後悔，點解趁後生同有能力生果陣冇生！有D時機過左就係過左，後悔都冇得返轉頭！我覺得我同水生係好好彩，見到D人想生仔，又計排卵期又要check體溫，又要試管嬰兒搞咁多野至有，雖然係奉淼成婚，但雙喜臨門都好岩性急既我！🏃🏻🏃🏻🏃🏻🏃🏻

最後，我極之建議決絕唔生既人，可以認真考慮清楚呢件事，如果考慮完覺得值得去做既，有仔趁嫩生吧！感覺只能用文字分享，感受需要親身體驗 👶🏻

感謝Eliza去到日本慶祝生日都不忘給淼淼送上祝福！