去左新加坡旅行
但無諗過會成為生B前最後一次旅行 (泣)
兩小口子舒服自在
淼淼出左世之後，未必捨得咁嘆啦
一落機就黎個肉骨茶，原來有左唔可以隨便食！好在無事！！
唔知情的唯一好處係，旅行唔使就住就住，
拿！又飲凍野呢下係好爽！
之後去左環球影城玩飽飽
最恐佈係我陀住淼淼玩左2次過山車仲有2次變形金剛
除左最勁呢兩個，其他都激激地既機動遊戲我地都玩曬！！
好在無fing左淼淼出黎！！
重點係玩完又再食！最愛既壽司 long time no see。。。。
浪漫完老公預支又買生日禮物俾我
響我諗緊要prada定miu miu，就揀左miu miu
係咪淼淼作怪XD
老公好鍾意飲肉骨茶，話要試曬咁多間
大肚婆再次亂食肉骨茶again
之後又去左shopping
早知有左就唔買高跟鞋，買鬆身衫啦，而家完全著唔到呀！
生完都仲未知有冇本事著返！
我諗我地而家再去，會掛住睇BB野唔買自己野～
當時水生都買左好多野！
仲買得多過我呀！
行到攰又去左按腳，好在頑強的淼淼又無事！
之後又開飯，刺身刺身～！！！！
其實我而家都仲未肯定榴連食唔食得
不都食左啦。。。。
原來有攝影服務，其實唔算平，但情侶旅行難得有人幫你影
而家諗返都值，因為奉子成婚無影到婚紗相
有輯情侶相頂住先都好過無！
回憶起呢個夜景真係好浪漫！
重伸一次，我真係好鍾意食生冷野，宵夜都要生蠔！
臨走呢個大肚婆都係要再三亂食肉骨茶。。。。。
再整多個叻沙，正～
再嘆埋呢程機，我的生B前最後旅行咁就玩左啦 (泣)
其實我老公話可以陀定左個B
第5/6 個月果陣去個短trip
但果排我忙到完全行唔開，冇去到。。。。
返黎香港之後，仲係未知淼淼己孕成
步入第4周，大閘蟹都食埋
好在下次蟹季我己經生左B，唔使驚有得睇冇得食！
但我永遠都記得，對上果次食海膽係10月尾。。。。。
已經好耐無食過芒果同雪糕。。。。。
傻下傻下又誤塗指甲油
其實大肚婆唔做得既野都比我做曬啦！
響11月頭既呢一晚，約左一大班朋友BBQ
我覺得有D唔妥，就叫老公出去買BBQ野果陣順便買支棒棒返黎驗下
果朝即知已中獎
當晚BBQ好多海鮮野老公即刻唔俾食
對住咁大班朋友又要忍住唔講得
到之後果日去睇醫生
原來淼淼己經 week 5 啦！
但要到week 12先講得，有排忍！
下篇再分享唔講得既趣事～
沒有留言:
張貼留言