謝謝大家幫我慶生的同時
已經有淼淼陪住我啦！
謝謝學生們上課前給我的驚喜！
我的親密伙伴們每年都給我驚喜
而呢條友，就年年生日都要玩我
三小時前...
水：喂你今年食左咁多旦糕，我唔買旦糕啦
我：係啦都唔使啦，又或者聽日搞下新意食壽包囉～
過左12點正大家就開開心心睇男親女愛冇咩事發生
睇完之後諗住去沖涼
條友又古古惑惑拎個旦糕出黎
我：又話唔買旦糕！
水：呢個係雪糕黎！
我：個牌冇我個名既？
水：在我心中麻！
我：.......................
但佢竟然竟然唔記得左我唔食得雪糕
最後我一啖都冇食到，佢一個人又食唔曬
雪糕又拎唔到同朋友分享
有半個旦糕丟左，激死！！！！
雖然去旅行是不可能
不過生日去一去澳門玩，初孕期仍是OK的
響呢度過生日環境很美！！幸福哦！！！
(有借說內感不適沒有跟大家一起喝凍飲)
冷盤！！！無我份！！！！！！
原本話孕婦唔可以玩batman，但我心諗，有幾激呀，照玩！
最後發現原來都激激地既。。。又好彩冇事！！
開結步入第六周，初初佢只係一粒心跳
但當佢慢慢成長
好多初孕不適正式浮面！
孕吐與反胃交纏。。。。
重點仍然辛苦在於 唔講得！！
已經開始食唔到好多野，7成飽一定要收工
如果為食堅持食到全飽，受苦就係自己，
因為係會全份嘔返曬出黎！
老公話有左唔好四圍走，
買副lego俾我屋企解悶
臨近聖誕節這個很有feel
但面對另一個難題
淼淼的用品正全面侵佔整個屋企
仲邊有咁多位擺。。。。
做野果陣因為婚紗店主同攝影師都已經有小朋友
雖然未講得，但都忍唔住講下生仔經～
其實初孕期真係幾唔舒服
情緒又過山車咁上上落落
多謝老公經常比驚喜我同花心思氹我
今年陀住淼淼去攞獎^^
呢日一個化兩個，仲要每人兩個look，係有DD攰
平時真係濕濕碎 easy job 啦
但初孕期原來係好攰，得返一半體力
有時攰到做半日野頂唔順即刻要訓覺
我諗如果要數初孕期最辛苦邊日
一定係呢一日
雖然工序很熟，其實唔怕唔夠精神或體力
但果日咁岩撞正超嚴重流感
果日連講野都無力，企一陣要坐一坐
頭暈眼花鼻水長流
身邊個個問我食左藥未
我話食左
其實唔食得，死命頂住
我亦唔想新娘子擔心或分心
全程chok到個樣好精神咁！一轉身已是死狗的臉～
幸好萬事安好，順順利利，助手suki幫忙很大喔！
終於捱過左呢個唔講得時期
12月23晚上，正式跟大家公佈了^^
接著一連串聖誕和祝賀活動！
生蠔，雪糕，唔食得
不過唔使再扮腸胃唔舒服了！
大大方方說出來很爽！
孕期頭三個月就這樣過去了 :)
到第四個月，早上刷牙和晚飯後都會有孕吐
早上嘔的多數是黃膽水和胃液
幸好只會早晚嘔，下午沒事完全不影響工作
然後慢慢的就到了第5個月的蜜月期了！
