每次產檢都好有壓力

其實每次產檢
心情會有期待，有緊張
始終相信會有希望
當有人問淼淼而家咩情況
其實我都只能夠跟醫生答案
尚未有變化，要出左世先知咩事
老公就樂觀啲，直頭當佢係無事先
但真係好難自欺欺人
因為每個醫生我都一定會問
有冇啲特別情況係照果陣異常但出黎係無事
醫生都係答，太罕見/唔會
加上已經第8個月，唔可以話巧合或偶然

今日第1次睇孫醫生
(上次排緊症果陣佢去左接生，無緣一見)
佢同陳醫生講既一樣
而家只能目測有異常，無咩可以做，

要出左世先知係邊方面既問題
孫醫生講得再詳細啲，

叫我地有心理準備一出世要睇幾項專科，兒科，遺傳科，物理治療科，

如果仲想生多個，更加要check清楚而家呢個係咩問題
物理方面有機會可以治療到，

遺傳性基因缺失就要可能要照顧佢一世(染色體數量正常都會發生)，

總之要出左世再檢查/抽血先知
當刻，我腦內有閃過一個念頭做全職媽

一直以來好多謝大家關心同支持
朋友們睇完呢段字
知道明白左就唔好再問我住
因為醫生都答唔到，我更加真係唔識答

佢靚唔靚，聰唔聰明已經唔重要
健健康康就是福氣。。。。

今日再產檢完
其實已經係朋友介紹既第8個醫生
當你了解既野愈多
就愈知應該問醫生咩問題
啲答案就愈得人驚
（不過我情願知多D，安排點take care淼淼）

今日見完醫生
即刻顛左，大壓力到抱住老公響街度爆喊
淼淼到左第32周，逐漸發現多於一個徵狀出現
醫生雖然話呢刻冇咩可以做
但要有心理準備可能愈來愈多野睇到
問題係可以大鑊到出左世之後果幾年再逐漸浮面
我成個人感覺好 lost
有一絲懷疑過自己會唔會做錯決定
俾淼淼黎呢個世界受苦
有時又會好唔甘心
個個都係十月懷胎咁辛苦
點解我冇一個普通正常既BB

之後老公話次次見完醫生都見我唔開心
不如之後都係淨係睇返聯合個陳醫生
唔好再搵其他醫生問意見啦
老公其實超級樂觀，佢只係唔想我太大壓力

頭先老公見到我直頭個人呆曬又笑唔出
終於主動提出話俾我破戒食壽司
佢話反正要食就食優質D，新鮮乾淨D
特登帶我去佢朋友開呢間壽司之神
果然，對一個吃貨黎講呢個方法真係好掂
仲要忍左8個月，今日唔忍啦，我要食!!!!!!!!!!!!!!
我知大肚婆要戒口，但今日唔破戒我一定抑鬱

今日食左我最愛的鱆紅魚，深海池魚，油甘魚（淨係忍住冇食生蠔）
師傅再介紹左針魚，金目鯛，左口魚，醋鯖魚，𩶘魚，鳥貝全部都好好味，以後食壽司既必食清單又豐富左啦😍😍😍😍😍
仲要師傅見到我唔開心特製左個勁量級海膽壽司俾我，食完覺得好幸福好滿足
連平時唔好魚生既老公都讚不絕口，期待生完之後要再黎食😋😋😋😋

如果老闆唔係水哥好朋友，都冇可能食到咁靚既toro壽司，因為真係唔會有師傅願意咁樣去筋整比我食😱😱😱😱😱😱😱
（因為師傅話唔會個個咁整，D筋好密好難去，同埋會用好大件toro先整到一件壽司）

一條極品toro，用超強的刀功去筋(唔係切斷,係去除!佢去出黎既筋仲多過我放入口既份量😱）再薄薄的用五六塊魚生，一層層疊返靚靚，製造左一個入口即溶左的口感，魚油既香同壽司飯混為一體唔捨得吞，吞完個口keep住toro香😮😮😮😮好似好誇張咁，但第時食唔返點算呀😇😇😇😇
戒口戒的太耐，好耐未試過食野有幸福的感覺

水太真係好易氹，好容易就會開心返😆😆😆
食飽先有力氣向前跑💪🏻💪🏻💪🏻💪🏻

之後又返聯合定期產檢進行中

每次見完陳醫生都會安心D
可能好多奇難雜症都係refer曬去公立
所以佢地見過情況再差的case出左世都有得搞
樂觀D，正面D，媽媽需要充滿正能量💪🏻💪🏻
唔再周圍搵醫生睇啦，原來最好的一早已經擁有
淼淼未出世已經遇到貴人👶🏻👏🏻👏🏻👏🏻