32周－夢幻的孕媽媽照

曾經話過結婚果陣
點都要搵我女神lilian打造一輯靚靚夢幻婚照
不過結婚都未著手搞就趕住生仔
所以點都要響kanalili影輯大肚相完成心願😌
多謝女神Lilian, cara, amy


而家kanalili除左木馬，連幸福摩天輪都有
實在太厲害了😯👏🏻👏🏻👏🏻
每次來到都好想直接住這兒


今日孕照唔要老公要細妹👭
呀妹話佢結婚都唔會搞到咁少女，真係好俾面💕

由細到大，D人都以為我地係好熟既朋友
話係兩姊妹，D人以為我地講笑🙊
無計，因為樣唔似，性格唔似，style唔似🙅🏻
唯一解釋係，一個似呀爸👨🏻，一個似呀媽👩🏻

一世人除左得一個老公之外👫
就得一個細妹👭
大左肚點可以唔同佢影呀💁🏼
但我真係扮唔到型格女，
唯有呀妹扮少女就下我啦
(我問佢一齊花環好唔好，佢話：你係咪玩緊我😂)
佢係咁話唔慣，呢鋪真俾足面


雖然自己識化妝唔使求人💄
但我極少響老公面前 full makeup
(對上一次應該係結婚果日💭)
因為條友次次都一定會講
'我老婆化妝真係好叻呀😮👍🏻'
但你唔會覺得佢係讚緊你，
而係似串緊你囉👻👻👻👻
(另一句串爆就係'你真係好上鏡'😮👏🏻)
把口真係賤到一個點，
我受夠啦! 不如補影婚紗相分開影之後合成啦😒

#你睇下佢個表情幾咁唔耐煩
#係咪個個男人都覺得陪老婆影相好無聊


影埋呢輯真係唔影啦
因為第8個月已經成個人腫曬
不過今日最開心係可以同呀妹影😇👭
同埋辛苦曬cara病住幫我影相🙏



呢排既心情真係過山車咁
喊完又笑，笑完又愁😁😭😆😢😩
今日突然收到Cara既靚相😮😮
心情即時直線上升 ☀️☀️☀️☀️☀️☀️☀️
果然靚既野係有治癒功效😇😇😇

影埋呢輯真係收爐等生啦👶🏻
第8個月影對比第7個月果陣
個肚又大左好多woo（同埋成個人都腫左好多）
雖然冇裂紋，但肚臍有D突突地😣
盡地一鋪！咁樣已經係性感底線👻👻👻
Must 女攝影師限定啦 💁🏼💁🏼

三十幾歲仲影少女feel
其實唔係童顏，係厚顏🙈🙈
不過趁自己都仲影到粉紅色，盡影！
想第時影下成熟Feel真係來日方長啦😜

每次都想直接搬去kanalili度住🌈
天天給花園包圍著🌷🌸🏡🌹🌻

#不論影幾多次都要有花花同粉紅色
#唔該曬Yoko幫我set頭


一次過收到咁多靚相，咁high點訓得著呀😍
有旋轉木馬，又有摩天輪，
四方八面都圍住花花，仲要pantone！！
夢幻到...到底我係咪發緊夢呀💭💭💭💭

頭先一邊睇相淼淼一邊興奮舉曬手✊🏻
睇住D大肚相有小小唔捨得卸貨👶🏻
好在第時有輯靚相回味下懷孕時光💕💕💕
其實我由細到大都超鍾意花
諗緊想同淼淼改一個同花有關的英文名🌸

#好想直接住響度
#Lilian是不是在製造公主城堡


雖然個theme好粉紅色🌸🎀🎀
但係老公都有份一齊影架👫👶🏻
仲要唔需要準備任何新衫，佢本身已經有岩襯既恤衫同粉紅色褲💁🏼真係姣到一個點😅😅
不過佢影左幾張就話不如我自己影多D啦
所以真係得幾張😑
點解D男人硬係冇咩耐性影相架，以為影完試位同試燈果D就係影完👉🏻👈🏻

#一家三口together先係幸福摩天輪
#兩公婆都鍾意粉紅色淼淼一定都係粉系少女
#kanalili


收到跟妹妹的靚相 ✨✨✨✨
仲興奮過收到同老公果D😍😍😍😍😍
已經唔記得左同呀妹對上果次影相係幾時👭
（唔計生活照工作照果D, 
對上果次可能係中學影貼紙相🙈）
其實有諗住結婚前影返輯閨蜜照😇
所以齊齊買左呢條裙
點知大肚仲早過我結婚
條裙又高腰到大肚都著得落
變左孕婦閨蜜照😆仲正👍🏻👍🏻👍🏻👍🏻
我唔知會唔會生多個，亦唔知呀妹會唔會生仔👶🏻
普通閨蜜照幾時影都得，
大肚相呢家野都係唔好研究，
響未知仲有冇機會影得返既情況下，
幾大都影左先 ✌🏻️✌🏻

呀妹一向唔係特別鍾意影相
亦唔慣少女mode花環look👰🏻👰🏻
（無計啦，佢有個發花顛既家姐，仲要應該係絕症無得救果隻😛）
多謝Yoko咁俾面幫我set完頭仲上埋鏡💁🏼
（其實你咁樣都幾靚丫衰野😏）
更加超級感謝kanalili完成左呢個心願💋💋

#俾人問左n次係咪堅親生姊妹
#完全唔似樣forever


大家覺得訓覺feel 定望鏡頭靚D呀😍


Post完呀妹又post下老公啦👫
仙子雪景mode😍😍😍（美女與野獸🙊）

平時睇大多孕婦相都係家居，黑白，型格，elegant , nude 之類，睇完係完全提唔起勁要影....
果然少女pantone先係我杯茶☕️
好在水生不嬲都姣到爆唔會襯唔到花花feel
佢呢套別誤會是拍攝服，係佢平時出街衫黎😅
初初一齊果陣著得仲姣，又成日比基佬liu，真係會比人誤會我係煙幕黎囉😓
俾我無限厭惡加投訴之後而家已經收儉左😆😆


#不負童顏中女之名
#點解呢個場可以咁無限量夢幻feel提供架
#影雪景feel使鬼捱凍咁淒涼


大家有留意到場景每一個角落，盡是lilian的心機和佈置
夢幻得真想一直住在這裡喔💋💋


呢套衫襯呢個景真係好靚好fancy😍😍
所以果日影完已經轉贈左比kanalili成人之美✨✨✨
(因為唔會再無啦啦著，別浪費啦～)
如果都鍾意呢個配搭的孕媽媽
就可以直接去影唔使搵衫搵得咁辛苦啦👏🏻
希望各孕媽媽們enjoy, 可以擁有一輯鍾意既孕照啦💁🏼👶🏻

個個都話我個肚好大
8個幾月wo都差唔多啦
仲有一堂化妝班同兩單big day正式休息待產啦

次次開工D人驚訝我好似好輕鬆好輕盈咁
其實工作得開心的時候
我係控制唔到自己興奮地咁彈彈下
加上胎位仲係好高唔覺得好下贅(感覺似肚腩)
咁高除左頂心頂肺頂胃之外其實都冇咩野
只係個個見我咁大個肚都叫我休息多D
但響屋企所謂安胎，日訓夜訓上下網係好自閉
真心覺得前兩日big day同studio shooting
係呢個月以黎心情最靚（雖然係攰，但真係做得開心）
我諗我都係唔慣唔做野，闊太生活唔岩我