第一次假宮縮

今朝7點幾果陣個肚勁痛
痛到我響張床典下典下
間歇性咁痛，一路痛到10點幾
淼淼又響個肚度狂郁
我已經分唔到係淼淼郁到我好痛，定我痛到淼淼一齊郁
老公問我係咪食錯野
我都幾肯定唔係果種搞肚痛
佢問我使唔使去醫院
我見除左痛又未有其他異樣，睇定D先
今朝一照鏡就見到成個胎位低左落去
唔係就生下話？早左成個月wo😱

淼淼下午喜歡伸懶腰和翻身👋🏻👋🏻
晚上半夜告訴我吃飽了睡夠了✌🏻️✌🏻✌🏻
但你半夜咁樣翻滾法，有時都會整醒我😪
而家多數下午都會補眠😴😴
佢唔會郁得太勁之餘唔會突然要痾夜尿👏


奶奶呢煲湯真係勁
足料大大煲夠我飲足三日
滾呀滾煲呀煲，濃度啖啖精華👶🏻

個個都話我個肚肚好大😯😯
連老公都話覺得呢兩日個肚又大左
其實我個角度係咩都睇唔到👀
不過我feel到個胎位開始低左
因為冇胃酸倒流同頂心頂肺
變左壓住下面成日有急急的感覺🙊
正話嘆完個孕婦按摩由尖沙咀行返公司
成個面油曬+成個人濕曬
仲要因為急急的感覺唔行得快
🐢龜速前進中…


呢碗黑炆炆不見底既野叫生熟地湯
對媽媽同BB都好，生出黎囡囡白白滑滑
但我唔知係咪大肚婆口味唔同
老公話冇咩野，我就覺得勁腥🙊🙊
仲話要每日一碗，即係仲有4x碗等緊我

話說老公聽日出trip，
話屋企D喼爛曬想買新喼
仲話成日出trip買隻好小小架啦
水：老婆呀我睇中左隻喼好靚又好好用wo！
Send比你睇下😍😍😍😍
杏： 白色😨
你去上海比大陸人掟完，花曬架啦wo😒😒
水：佢就係靚在白色，佢其他色好肉酸wo👉🏻👈🏻
杏：No 總之唔要白色，用一次就收皮🙅🏻
水：哦.........

隔左2分鐘後又打黎
水：老婆呀原來可以買個套笠住架👏🏻
杏：笠住即係買咩喼都睇唔到啦，咁唔使堅持白色啦，你唔覺成件事好on居咩😑😑
水：淨係寄倉果陣笠，拖住唔笠😆
杏：上車落車都會花啦，白色留返響酒店自我欣賞呀？擺屋企又易封塵😒😒
水：唔係呀，佢真係好好架，有得lock碌，雙層拉鍊防盜，個碌好好推，仲有十年保養..........
（一連串sell左我十幾分鐘，完全係小朋友扭買玩具個mode🙉🙉🙉🙉🙉）
杏：.................................
水：咁我係咪可以俾錢啦？
杏：...................你鍾意啦😔
水：yeah!!!!!!!!!✌🏻️✌🏻✌🏻✌🏻✌🏻✌🏻

之後佢仲要what's app話自己好醒
信用卡有cash dollar扣，扣左二千幾
個喼四百幾蚊埋單咋，仲要迫人讚佢叻😩
其實cash dollar咪又係你d錢，買尿片奶粉都得架，到底佢覺得自己慳左錢係咩原理😲😲😲

‪#‎歡迎留名睇白色喼去完上海後的下場‬
‪#‎淼淼第時一定學足爸爸咁扭買野‬

全女班shooting day之
we are happy together👭👭👭
點解識左pam咁多年個樣可以完全一樣架👧🏻
歡迎加入童顏媽行列👶🏻😻😻 今日兩個大肚婆坐埋一齊真係氣溫超標
我化完妝係全身出曬汗兼全臉油，排毒有益

🌸🌸🌸
能遇上一位一樣咁鍾意花既知音
我們都是幸福的幸運兒💕💕
今天約定了要喜歡花兒直到80歲👭

讓我花光力盡和心思
召集世上所有惜花人

#kanalili #gingkomakeup 
#今日辛苦曬joico幫手
#期待夢幻系攝影師cara絕美靚相

剛剛好四個月前
1月28日正式轉左人妻mode👰🏻✨✨
多謝水生呢四個月黎都係keep住一擔砂糖一擔屎🍬💩🍭💩🍫
成日整到我又嬲又笑又喊又再笑😤😆😭😇

兩公婆不一定能天天都歡欣和諧
而是即使生氣和吵鬧，都堅持在一起不分開

就黎34周之41"巨肚肚

就黎34周，41"巨肚肚
而家仲係好輕盈彈彈下
可能真係行得樓梯多有關係💪🏻
個肚未dum亦未見有紋 (touchwood)👏🏻👏🏻
但感覺又唔同左
淼淼愈來愈大力撐
撐到有時會痛，半夜或晨早會撐到我醒左😳
(Oh baby你係撐我既都可否換過第二種支持方式😅)
同埋不時會覺得有扯住痛
睇書話過左32周會有假宮縮
其實我唔識分😑😑😑

趁淼淼終於唔郁又唔再扯痛
正話拿拿臨補眠，仲發左個怪夢💭
夢見自己一訓醒已經響醫院張床度
之後有個醫生同我講我訓緊覺果時BB出左世
嘩唔使捱唔使痛就生左咁happy?
之後同老公一齊睇住個BB好開心👨‍👩‍👧
（最騎呢個bb係比鮮花圍住好靚咁既🌸🌸）
跟住個肚又扯住痛我就真係醒左

醒左即刻摸下個肚，BB仲響度！未生！👶🏻
哎呀好失落呀........
生仔想唔痛唔使捱，真係發夢🙈🙈

尋晚oh baby狂撐訓唔到
今朝又扯住痛到醒左
醒左摸摸個肚底
發現肚臍對落4cm兩粒1cm左右凹痕
下！唔係裂左下話😱😱
即刻叫老公幫我望下（自己睇唔到肚底）
佢望左一眼：唔識分wo 又訓返
我話如果響正中間裂左好傷心wo💔
佢冇再望我
口up up咁話：反正裂左唔好嘥生多個囉
又繼續訓😴😴😴😴
我都想再訓返又到baby撐呀撐👶🏻
眼光光ing 😳


終於戰戰兢兢攞塊大鏡低炒照一照
除左中間有三條短既
右腰仲有兩條長既😭😭😭😭
不敵41寸巨肚肚，終於都裂左啦


34周巨淼淼開工together👶🏻

早早響我有左之前book左既新娘子們都好關心我仲做唔做到big day
（有左之後已經即時停左唔接新單）
其實我都係第一次大肚，我都唔知8個半月咩狀況同開唔開到工
所以都盡量成個月勁休息多D😴


是日美麗的新娘子Charlotte👰


水生成日問D人.....
我似肥婆大左肚，定大左肚既肥婆😑


用細品種鮮花打造的仙子look，仙氣特別澎湃✨✨✨✨
材料豐富💁🏼漸變紫+白色滿天星，白色小雀貝，粉紫風信子，紫+藍色綉球，
仲有立體lace花襯返條裙既lace details，靚到一個點💕


March in look 勢必全場注目👀✨
一梳all back未整完個頭都feel到氣場好強大😮👏🏻👏🏻👏🏻

#總是笑著臉工作因為覺得做喜歡的事好幸福


呢個all back高髻look係媽咪指定髮型💁🏼
因為媽咪話好鍾意家姐結婚果時呢個look
想細妹都係呢個look March in😮👰🏻💕
不過兩姊妹既氣質同喜好有唔同，
所以家姐果個華麗d grand d，
妹妹呢個微調左優雅d elegant d


點解呀妹整咩都咁靚既
😍女人味敬酒look


因為好多賓客想補影相，
呀妹曾一度考慮不如唔換呢套送客衫😮
我同家姐講話不如比我地幫手換埋佢啦🙏🏻
我地真係好快架😆😆保証摩打閃電手⚡️
之後除緊金器果陣我已經set好左個頭
綁背脊D繩果陣已經插好頭飾噴埋定型出得去啦
仲順便快快手影埋呢張優雅古典pose靚相tim
任務完成👏🏻👏🏻

#由入房到出得返房都只係6至8分鐘內既事
#工多藝熟其實大家都做得到
#化妝師個助手綁繩綁得快靚正都好重要唔該yoko


家有一妹真幸福系列👭
雖然老公想追多個仔湊個好字
但幫淼淼追個妹妹其實我仲開心💕
姊妹們感情好微妙
記得lilam結婚果陣Charlotte哭成淚人😢
我妹嫁果陣敬茶比我我都眼淚兩行😭
好似fd過打band, 但同呀妹細個都係會嗌交，打交，爭玩具，爭寵，互串，衰聲衰氣，對答有烏鴉頭頂飛過之類😆😆😆
呢D真係有姊妹既人先明😝😝
由細到大最爽皮既事係永遠比人以為我係細妹，每次呀妹比人當家姐都會嬲嬲豬，所以大家唔好再認錯👻

突然發現圖入面既人結婚都係由我化妝👰🏻✨
仲包括我自己😅😅😅



原來有專俾哺乳媽媽用的悠閒服😯😯
d款式仲幾靚!! 係時候整幾件看門口先!!


努力中的水爸♡
尋晚老公話淼淼有一半爸爸講野咁叻
加一半媽媽既才華，真係不得了XD
喂喂~咁個樣似邊個好先?


老公去搵錢，老婆嘆世界系列😆😆
搵到間孕婦按摩專門店
有得扒響度按爭好遠
個staff仲問我點解三十幾周咁遲黎
其實係因為我唔知有專門店麻
上星期用試做價試完join左
除按body舒緩坐骨神經痛同腳腫外
我join plan主要係因為有得按胸通乳線
個胸冇咁腫痛同為哺乳做好準備
老公你比心機做野，我會好好安胎啦💁


老公好勤力工作，早出晚歸
以前我仲夜返過佢，而家好唔慣
佢成日叫我訓先唔使等佢
但係其實會訓唔著


之前已經諗住買
因為我真係超超級like兔仔既野🐰
同埋呢個牌子質地同款式都好靚


多謝wingwa給淼淼的禮物，超靚👶

孕媽幫孕媽扮靚靚

孕媽媽照+家庭相working today💁🏼
見到一家三口+花花仙境mode
無限憧憬中😍😍😍😍😍
我睇住人地個囡囡流曬口水啦👨‍👩‍👧


由結婚，到第一胎，到而家第二胎都keep住咁靚😍😍😍美到犯規的孕媽媽👶🏻💕💕💕
唔常做孕照job，for舊熟客only，多謝支持♡


靚到屈曬機既孕媽媽😍😍😍😍
氹小朋友笑真係一件艱鉅既工作💁🏼👶🏻


唔望個肚唔會知係孕媽媽，
完全係影緊model shooting


多謝孕媽媽全權比我設計曬所有造型💪🏻
從來化妝師最值錢都唔止係技巧
仲有造型設計同美感😏😏
Very hyper today


要小朋友唔笑易過笑😅😅
兩個一齊唔笑又係另一種效果😎


摩打手，4個鐘影到第6個 look
仲多造型過prewedding💁🏼
孕媽媽照一定要勁靚系列


好期待第日同淼淼影相😍😍😍😍
不過原來睇人地既靚相總是美好的👨‍👩‍👧
唔好要求自動有pose
要小朋友肯坐定定唔亂郁 + 比個happy face真係幾艱鉅💪🏻💪🏻💪🏻💪🏻💪🏻


收工👏🏻👏🏻👏🏻💕💕
辛苦曬bibi今日做助手


多謝cowrie給淼淼的禮物👶🏻🎁🎁
由結婚，到第一胎，到陀第二胎
好多謝你咁堅持搵我化妝，感激遇上一個真正咁欣賞我的美女💄
我知道其實你可以揀過多個零兩個月
等第7第8個月，個肚現D先影都仲得
但我想6月放產假就局約要5月咁早影
好感動你既堅持呀💋💋💋💋💋
希望你喜歡我由認識你到今日，為你設計的每一個造型😘😘😘
今日聽到你話仲想追多個，厲害，好期待


每次幫人打扮得漂漂亮亮的拍攝
內心都會興奮莫名
甜蜜的家庭照會一直保存落去
到囡囡大個睇返都會覺得好warm👭💕

photo by billy onair
gown and studio by kanalili