仍然要相信這裡會有希望

是日又完成一次產檢
淼淼手仔未有咩新進展
所有症狀只可目測
所以太多未知的可能性和原因
呢刻醫生話密切跟進就可以
暫時冇咩可以做到
等出左世再作詳細檢查
某D唔太嚴重的狀況
透過物理治療或手術都可以醫得返既

非常感恩遇上一個超級好的陳醫生
專業，盡責，樂觀，細心，體貼
最初知道有左，第一念頭係想私院開刀
照完結構後發現有問題
為左淼淼可以響更齊備的醫院得到照顧
放棄私院揀左公立局住順產
之後好多親友極力推介QE婦產科
亦有親人係響QE工作
的確早前有心思思想轉院
但因為陳醫生的悉心照顧
所以決定留返響聯合生
醫生的用心，比所有設備和配套都重要
多謝大家一直以來的關心和支持
我同水生都有信心
會跟淼淼一起快樂成長

不論孩子的身體狀況怎樣
都有活著的價值，生存的意義
淼淼媽不是一個能教孩子如何名成利就的人
但懂得身教，不論什麼狀況，
都能堅持自己的夢想

我記得發現淼淼初期手仔有事果陣

唔同醫生有好多唔同意見
有醫生建議我地認真考慮，因為手仔可以影響個小朋友一世
又有D父母接受唔到自己個bb唔健全，會於合法期間拿掉
亦有醫生話其實bb如果真係唔得，會自然淘汰而存活唔到，既然佢其他機能健全正常，樂觀D考慮比個機會佢
作為父母雖然係孕育佢出黎既，但生命係屬於個小朋友自己，
如果淼淼有機會在別人的肚子裡被放棄
歡迎來到水水家

踏入第8個月，突然腫左好多開始無之前咁輕盈
對腳腫到行一陣都冤冤攰
同埋好似頭三個月咁
心口頂頂地作悶，兼成日覺得好眼訓
會無啦啦坐響度訓著左

同淼淼最親密都係呢個moment
出左世無耐就好快大個，唔再痴身
叛逆期，拍拖，結婚，生仔，漸行漸遠
諗起心裡都有點點酸


上面頂心口，下面又壓住，反曬胃
老公問我想食咩
成個人冇曬胃口，見到餐牌都反胃
每日要諗食咩成為最苦惱既事
飲住媽媽奶俾淼淼頂住啲營養先……

仲有另一件極之無癮的事！！
就係而家見到小朋友
要比人嗌姨姨

明明仲係姐姐樣，好唔慣呀 >_<

最近從水生身上見證到一個男孩子成長到男人的過程
每日早出晚歸，拖住疲憊不堪的身軀歸家，睡到像昏迷一樣
因為下個月我開始安胎放產假
我的生產力可能唔止係零，仲可能係負數
要老公養埋我，辛苦埋我果份
淼淼出世後的檢查同醫療開支亦係未知數
見到老公真係好大壓力
佢話有時做野辛苦，都會想發脾氣
返到屋企樓下會響車度坐一陣，平靜左心情先返屋企
晚晚見到我依然笑笑口咁氹我開心
摸到淼淼比反應郁下，佢又會露出可愛的傻傻笑容
多謝老公，辛苦了！

我唔知係咪每一個爸爸都有呢個過程
我記得細個果陣我問過爸爸
你的志願係咩野
佢話佢想做飛機師
我心裡懷著問號，點解揸飛機變左做揸車
家裡櫃頂收藏住好多飛機的模型
但我幾乎冇見過佢有時間拎出黎玩過
佢放假既時間都俾曬我地
一齊BBq, 露營，踏單車，砌拼圖，仲會教我畫畫，做手工
我話要學彈琴，學跳舞都一一滿足我
憶起一家人由細到大都未去過海外旅行
小時候會埋怨點解同學仔暑假搭飛機去玩
而我就澳門都未去過，所有地方都係大個左自己去
但而家明白，佢地已經盡力給我們最好
一個廿幾歲的大男孩
揸車養妻活兒，養大三個小朋友
我從水生身上，感覺到昔日爸爸的影子

我知你好想我讀多D書讀到上大學
但原諒你女兒遺傳曬你D硬頸同藝術天份
最後多謝你俾我任性，讓我走一條我喜歡的路
唔知第時淼淼係咪都會似我咁任性呢？
從來沒有完全正確的路
只有透過努力和堅持，證明當初的選擇正確

多謝annie送俾淼淼的禮物🎁
有包被，鞋仔同bear bear😍😍😍😍😍
最讚係杏媽都有洗面機，
大細都有份👭 貼心～～

抽中獎之免費大肚相

其實影完之前果輯單人孕照，已經好開心好滿足
不過衰在果日老公突然去左北京做野
搞到冇左雙人照！！！！！！
其實孕照一定要有雙人囉，唔通我單性繁殖上演母親的抉擇咩XD
而早前抽獎中左既免費孕婦相，仲唔大派用場！

孕婦照之企劃blog:
http://gingkomama.blogspot.hk/2016/03/i-am-coming.html


因為場內唔可以自己影相，所以就無花絮同大家share啦
而大公司預左都係D standard野，唔預有咩超級驚喜，
但standard都有樣好處，就係一定四四正正，配套亦唔會太差
開開心心兩小口子，舒舒服服免費玩下都幾好
我一見到攝影師已經講明唔使影咁多單人，全部影曬雙人仲好
因為單人已經影左，所以揀既全部都係雙人照


而free package的關係，化妝同服飾係要自行準備既
知道水生太活潑，應該唯美路線唔到
所以全輯都係以輕鬆便服＋最似大家平時日常look為主
叫做溫馨D，貼地氣D
果日影左一個鐘左右，兩套衫，三個景
我兩套衫都係呢條工人褲襯唔同上身衫同飾物
因為果時初初大肚去買孕裝
一試完身行出黎水生就話條褲好得意，一定要買
我都覺得好鍾意既，平時教班又唔可以成日著
加上孕裝第時唔會著返，值得影低留念
攝影師都好奇點解我會唔著露肚衫
因為之前blog都有講過，我超保守呀，露肚只供女攝影師拍攝 >///<
而小道具一定係淼淼一聽就會開心起舞既音樂海馬


估唔到平時自拍都chok得下既水生
對住大機，pose同笑容都有小小硬woo
好在免費，可以算係第時補影婚紗相既預習
但室內＋影左1個鐘＋便服佢都話攰攰地
可能呢排做野太忙啦
如果第時補影婚紗相，一定要佢影之前果日休息多D先！


total 影左120張，尋日影完今日有得揀仲可以攞埋
而佢個free package有15張數碼檔案free
我就剛剛好揀左15張
個姐姐見我揀得好快，第一round已經揀走左70%相
我平時做野揀慣相麻，同埋我又無咩選擇困難症，
揀野好快，知自己要咩野，唔使問人意見
(水生都知我脾性，所以由我揀無出聲，醒目XD)
其實對於相片極奄尖麻煩既我黎講
又未到15張都好滿意，但都叫做揀夠15張
其中有幾張係鍾意既，呢D生活相唔使多啦，收貨吧～


水生簡直係香港良心系列
我係抱住抽中獎影免費相既心態
而水生話其實預左影完點都會幫襯下
(男人同女人諗野真係完全兩個方向)
佢話因為人地打份工搞咁多野
做唔出一蚊都唔俾，預會放低三兩千(霸氣哥！)
如果香港多幾個呢D良心客戶，婚攝行業應該會更興旺


最後揀左一張曬大水晶相架(上圖呢張)，加一本細相簿(有返揀左果15張相)
其實我地覺得兩樣野加埋都唔算平
(自己都係果行，知知地印呢D大慨咩價位，
不過埋單計，當整個配套加廠景加服務係可以接受既
但如果早知水生點會放低錢，早知我就影得認真D唔咁hea囉，缺乏溝通既後果呀T_T)
有諗過揀平D果隻木相架，但睇落又好似仲唔值
因為木相架係曬張相出黎，放落個相架度，自己都整到啦！
而個水晶相架算係幾精美既，防水防霉又幾易清理
4個月後收到成品再分享


不如分享下另一D搞笑實況
我地平均每十幾張，就會有一張攝影師叫我地做一個心心pose
不論係一人一心，定二人一心都有好多張
水生影果陣有細細聲問我
話使唔使做咁多次心心呀，好抗拒呀！笑死我XDDDD
不過佢見個攝影師好好心機，又好nice，就唔串佢啦，照做～～
好在影左出黎都幾cute，係咪有D小雲同小寶feel呢

確認小雲個肚經手人係小寶無誤XDDDDD

(兩個人加埋70都黎緊仲扮cute，大家睇完唔好打爆個mon)
不過我都係揀左一張起兩張止


呢個pose係我經常見到D攝影師always影婚紗相要新人做既
我有問過D攝影師點解好似leung leung地都仲會影
因為佢話揀相命中率係100%
原來......真係會揀..........................
但好在又冇我幻想中咁leung，竟然仲有小小sweet.............
(定係我近得水生多，taste唔同左???!!!!!!)


呢張其實我係想揀與唔想揀之間
因為我覺得我個樣ok，但水生成個雙下巴走左出黎
而另一張水生冇雙下巴，但我個樣冇咁sweet
最後水生叫我揀我靚D呢張，佢話佢接受到自己個雙下巴 (O~真偉大!)


例行咀咀，好在佢小小剪影feel叫做無咁 leung


呢張咀咀相，令我諗起3個月前，1月28日結婚註冊既呢張相
先又醒起揀大肚相既呢日係4月28日
剛好新婚三個月，
下一張咀咀相會唔會係淼淼出世後既家庭照呢^^

話咁快就31周啦！

31周的淼淼愈來愈活躍
胎動愈來愈頻密
有時仲感受到佢強而有力的碰撞💪🏻

最神奇係水生同我講
話今朝淼淼有同佢郁下郁下互動👊🏻✊🏻👋🏻
同淼淼玩得好開心👶🏻
但係果刻我係訓緊覺既，
佢地隔住我個肚皮玩我竟然都唔知😱😱
到底我訓緊覺果陣，我老公仲對我做過咩野
😓

‪

#‎個肚臍竟然係心型‬

#滑到我成日覺得好似肚腩

原來小朋友真係大得好快

#不想錯過每一刻


同淼淼 2 in 1  working together
睇多D靚野絕對係良好胎教～


5月打後要正式收檔放產假
好唔捨得呀📣📣📣📣📣📣📣


水生知道呢胎係女
成日話要追個仔
睇睇下生仔其實都ok wor
(雖然點睇都係母女twins look完勝)
如果生女似爸爸
生仔似我都幾萌♡

佢連名都改埋，叫㵘㵘 
咁岩呢個字有兩個讀音，
女就叫漫漫，仔就叫梟梟。。。。。


直擊老公勤力工作中，咁有動力搵埋搵埋，都因為係俾淼淼既👶🏻
佢咁鍾意小朋友，睇黎日後一身兒女債👨‍👩‍👧‍👦

最後10周，跑入直路！

認識我的人都知
我絕對是很拼搏型的事業女性
本身不是特別愛小孩，更非堅持要生育
而今時今日的女性，許多都沒有傳統思想的框框
所以曾經有想過找個老公
是女主外，男主內亦很不錯

直至真的有了小孩
感受到什麼叫女人的天職
不論你多能幹，老公亦不介意
他都不能代你懷孕，生育
再白一點說，是即使生左出黎
能餵哺的都只有你🍼

淼淼的降臨第一樣教懂我的是生活的平衡
當然我不會放棄我的理想同抱負
是要好好學習做一個真正內外兼備的女人
更要成為孩子的榜樣，做人必須有夢想💪🏻

這絕對是我一生中最美最美的曲線
原來孕婦都可以有人魚線🐠
感激能溫柔記下2 in 1 的感覺💁🏼👶🏻
love u Connie


話說有個男性朋友話
唔明點解女人咁緊張要影大肚相
仲要show埋個肚皮黎俾人影

我諗如果男士們
有一日操到一生人應該擁有一次張家輝果個激戰人魚線body，
分分鐘影裸照tim la！

重點係人魚線你想幾時操都得
一生人擁有好多次都可以
但呢個年代，女人真係唔會大肚好多次
好多女人都係生一個架咋
唔影冇得塞返個B入去補返囉


繼之前成為人球，被拒症多次後
今日終於又再轉另一個朋友介紹既醫生
多謝大家連月黎推介的每一個醫生
深深感受到醫德比醫術重要

但睇黎同孫醫生冇咩緣份
佢剛剛有孕客作動入左醫院接生
要轉另一位醫生睇住先
不過平小小同唔使等咁耐
呢D野真係要隨緣


水生終於北京工作完畢，尋晚半夜返到屋企
今日車我返工果陣，佢終於發現......

水：老婆呀，點解你個時間表好似咁密既？
又話四月開始休息既？
我：.........哦！係呀，開始呀，下個月會抖架啦！
你睇下，5月有一大半空白冇野做架！
水：你好似3月果陣時都係話4月空白囉😒
我：er.........


同淼淼二為一體不經不覺已經第201天👶🏻
每天總是忙著忙著💦
有時做緊野好投入果陣
都會忙到忘記左淼淼響我肚入面🙈
但產期漸近的日子，你想忘掉都不能
因為佢掛住呀媽果陣
佢會自己郁下手同轉下身黎draw attention 👋🏻👊🏻🙌🏻💪🏻👐🏻👉🏻
不過由於都唔係太大動作，所以暫時都仲係覺得有趣得黎唔痛既，
至多都係搞到我好想成日去洗手間🏃🏻🏃🏻🏃🏻



尋晚訓訓下突然胃酸倒流醒左😟😟
今朝又回到初孕期嘔黃膽水既狀態
其實呢兩日都有覺得心口有頂住頂住
但又未去到要嘔出黎咁辛苦
睇黎懷孕漸到後期，蜜月期已過😭

今朝嘔完黃膽水成口苦
都唔多想食野😓


呢隻野原本買黎暗淼淼訓覺既💤💤
點知佢而家比較似一部call機👶🏻
想搵淼淼，開著佢7成都會俾反應胎動👋🏻👋🏻
今日放假，同淼淼整返個morning call先🙋🏼

頭先教完班有老公接收工
食埋個宵夜歸家
兩小口子坐左響梳化等電熱水爐煲水沖涼
突然老公篤我條後腰
'依？老婆真係瘦左wo, 陀B連條車胎都冇埋！'
之前咪講左你知有瘦左囉！頂住食唔到十成飽麻！有時又冇咩胃口，間唔中又要嘔，點會肥左！
而家足30周touchwood未見有紋
只係開始條肚線清晰左，肚臍好似暗暗想突出黎
個胎位仲係好高好挺，滑到好似肚腩咁XD
最後10周！跑入直路！😍😍


淼淼仲有10周就出世啦💁🏼
尋晚水生話：10周咁快😱😱好似好多野都未準備好咁😳😳😳😳
唔快啦，我陀左都30周啦wo, 唔使男人辛苦果然快活不知時日過，
淨係識晚晚同淼淼胎動果陣玩👶🏻

尋晚講起順產剪開同爆裂開既分別
佢話唔好再講啦，打曬冷震心都寒埋🙉🙉
車，又唔使你生😑😑我都驚唔通叫淼淼自己爬出黎咩👻

黎緊望見幾乎空白的5月時間表，簡直覺得
🎼🎤我空虛我寂寞我凍～～～
（成個月得返2日big day同3班要教咋👉🏻👈🏻）
要search下有咩產前課堂要上先
日日屈響屋企真係臨尾先黎產前抑鬱都似

第28周之孕照夢想成真

其實已經miss左冇影到婚照的我
覺得孕照係一定要影，唔可以錯過
因為你唔會預你會生幾多胎，仲有冇機會影
我亦唔想到左若干年後
先睇到人地既靚靚孕相而自己後悔無影
見到都係有左BB既孕媽朋友都影左輯靚相
等到頸都長曬既我，終於都輪到我影啦！


認識攝影師connie已經好多年啦
以前睇住佢影model相果陣
已經非常欣賞同鍾意佢鏡頭下女性的獨特氣質和美感
及後知道佢有接孕照拍攝工作
我就決定如果有左BB，一定要搵佢影一輯靚靚孕照！！


當知道有左第3個幾月個胎穩定果陣，
已經即刻問定同約定connie啦
由於天生一副童顏樣
所以鎖定的mood都離不開要粉系，夢幻，少女既！
好多朋友都問我幾時影
D人原來好多都係7個半至8個半月左右先影既，
因為驚太早影未見肚無野睇
但我呢個7個月大之巨肚，個個見到都以為我就黎生得
咁即係可以早D影啦 XDDDDD
早影都有好多好處
一來而家個肚touchwood仲係白白滑滑零肚紋
二來D人話懷孕後期會更攰同更腫
三來個肚再大D個形可能會dum，就無而家個肚形咁靚架啦！
（其實除左dum同肚紋，我最怕突肚臍！好在無，肚皮算係唔會嚇親人！）
集合眾多因素，一於響第28周KO左呢個心願先～


作為一個都幾保守既女仔
鎖定左影孕照我係一定要有衫著既！
唔好話nude，淨係得塊布遮住重要部位果D我都唔得架>.<
其次，如果決定要打出個肚皮，
就一定要係女攝影師，
雖然個肚皮唔算咩性感部位，或者會引起咩幻想
但係........人地真係好保守架咋................
我成世人影過唯一一次水著，
下身都係要著平腳短褲既，仲要走到沙巴咁老遠影先接受到
呢次其實算係打破左我幾性感既尺度 (睇完覺得碎料都唔好車我wo～)
同埋多得本身對connie係超級信任，大家女仔又唔會懢介
所以影果陣都漸漸地很放得開


仲有好多謝connie作為一個女性
很理解和明白一個女生的需要
因為我自己覺得手臂很粗壯 (一拳可以打死老虎！)
所以我很怕穿露出手臂的衣服＠＠
connie都提供左很多有袖的靚衫給我
雖然可能有D男攝影師會配合地話可以執相既
但其實影果陣可以遮住最不自信的部位
拍攝時是很有安全感的，
亦減低左顧慮，唔使再驚要用pose遮遮掩掩！


今日個妝係自己化既
不過最能醫不自醫就係自己好難整個頭
多謝全能的connie仲要幫我捲頭髮
同埋無諗過下午影完晚上已經收到靚相
好幸福！好感動！！原來我都仲算係一名靚媽！


呢個星期水生都北上工作中
加上條友仔話影大肚相呢件事好無聊
(等同佢話要搵攝影師幫佢架車影相，我都覺得好無聊一樣)
所以呢輯相都咪鬼預佢
不過因為奉淼成婚，由始至終都無影過prewedding
影孕照呢個咁重要既時刻都想有張一家三口幸福溫馨照既
留待個肚再大D先預埋佢啦
不過都係要就我，影夢幻少女feel架wo,
水生咁姣應該唔成問題啦 wahahahahahaaaa

老公生日快樂！

老公👫生日快樂🍴
期待明年一家三口一起過


多謝水哥老友特製生日菠蘿驚喜🎁
你間餐廳野食好得，一定再黎👍🏻👍🏻

生日快樂水水老公😙💦💦
老公話老婆要幫佢同二奶影生日照😵😵
今日你生日，讓下你同個二奶😒
（聽日你就知味道😈😈）

多謝debby幫我特製mini版乳豬cake🎂
超級超級可愛🐷🐷🐷🐷🐷
一拎出黎聞到陣陣朱古力香
非一般豬古力生日旦糕😋😋😋😋

打開時間表突然驚訝發現
職業工作狂病症，原來發作左都唔知
說好的減產我竟又排滿了🙈🙈
信我💁🏼四月已經得閒左好多，
呢個月有7日假期！
雖然今日放完假下一次放假係23號
信我💁🏼五月有收斂到極多
雖然仲有big day要做
信我💁🏼六月暫時是空白的
除左仲有一單big day要做
預產期係7月2號
所以7月同8月真係完全空白的。。。。



終於拍攝圓滿完成！齊齊出席救殭清道夫煞科晚宴tonight💁🏼


老公成日都話鍾意我陪佢開工
去完煞科宴行返公司好近，搵老公探班打打氣😘
淼淼快D睇下水爸咁夜仲開緊工💪🏻💪🏻
都係為左搵奶粉錢同書簿費俾你呀👶🏻
出左世我地無咩所求，只要你健健康康已經足夠啦

生女之特別福利♡
無限憧憬中!!!!!!!!!!!!!!!!!


不過條衰公一盤冷水淋落黎
話張相靚既重點係個呀媽要瘦wo................
😒




今日又諗，如果生左兩個都係女♡♡
可以咁樣♡♡♡♡