不經不覺成為左水太太1個月啦

教教下班突然有花收💐✨✨
個個學生都問係咪我唔記得左今日係咩紀念日🙀
但查實咁多年黎佢送親花都係失驚無神估佢唔到😇😇😇
打開張卡先打開謎底，原來結婚一個月紀念
多謝水生💕💕💕💕




呢間野真係好好味又近公司
乖乖地等食宵夜♡




食完呢個突然又掛住丹麥孖芝
雖然胃口細左
但依然為食既淼淼媽
有好味既野食即刻心情會靚爆燈♡♡♡

準備抽羊水檢驗

準備入醫院做抽羊水檢驗啦
呢幾次去做檢查都好大壓力，個頭好痛
尋晚雖然都係訓得唔好
但今日好D，因為結果唔係即刻知冇咁大壓力
水生真係好厲害，成熟左好多
因為自從知道淼淼咁樣之後
佢都唔開心但都keep住氹我開心
對我更加倍呵護溫柔細心
我諗呢個世界上佢真係識得一秒令我笑返既人



以前驚生個B唔乖
而家好想佢百厭D
小朋友就該健康活潑才可愛

第三位醫生再照結構

今日再去左醫院照結構

情況依然不理想

醫生已告訴我們這情況不常見

暫未有自然康復的個案參考

有幾種情況可能會發生
出世前再惡化，但28周後先會明顯睇到
出世後有得治療，但都唔會100%如常
又可能出世後治療都冇幫助

聽朝要入院抽羊水做染色體檢驗

醫生話報告要兩至三星期先有

但都要有心理準備面對

問我地意願係點

因為堅持同放棄都要24周前決定

而家只得3星期時間，到報告出左可能得幾日考慮

水生話只要唔係個腦有事，佢自己照顧唔到自己既，都唔會放棄佢

水生頭先同我講

佢話好有信心

淼淼第時一定係個對社會有貢獻的人

真係有小小淚光

嫁到呢個老公，真心值得

感恩遇到一個對生命的價值觀相近既老公

生命影響生命，心靈感染心靈

不一定要有健全的身體

都可以發揮生命的最大價值

如果佢能夠生存同誕生，

即使係父母，都無權奪走佢的寶貴生命，淼淼亦可以有屬於她的人生

淼淼未出世已教曉我們，

健康無價，知足常樂

淼淼永遠都是我們的好寶寶

給淼淼：
爸爸經過好多磨練好多挫折先有今日嘅我，一生嘅路從未平坦過，每一個困難每一個挫折都比我一個成長的機會。爸爸不是一個正常人，媽媽也不是一個普通女人，所以淼淼也不會是普通人也未必可以如普通人成長，經過磨練試練先可以成大器，或許早了一點時間要妳吃點苦兒，但未必不是好事，早些鍛煉妳或許令妳比別的小孩更快成長。
天生我才必有用，學會堅強你才可保護自己保護身邊最愛的人，這番說話除了跟你說教外，還想用來跟爸爸媽媽也打打氣，有時候，除了堅強外，我們並沒有其他選擇！

水爸爸

Gingko crew 人強馬壯團年飯

新春gingko crew開年飯
逗完開工利是年頭行運到年尾，生意興隆♡

食完開年飯齊齊返公司jam下保鮮花頭飾✨
想整保鮮花禮襯好耐啦，又有新野用

新年快樂！！！！




今晚收左工如常水生黎接我返屋企
落到樓佢叫我幫佢開車尾箱攞袋野出黎
一打開...wow!!💐✨✨



條死仔尋日話我地結左婚唔係情人，
唔使慶祝情人節，結婚紀念先慶祝wo😓
今日又氹得人咁開心，衰衰貢🙈

轉醫生再照結構

今日再book左個照結構權威醫生
想聽多幾個醫生建議先

這天暫時仍沒有好消息
但因為昨天做了很多資料搜集和有心理準備
情況未到想像中最懷的狀況
昨天的醫生較沉重
告訴我們很多的可能性和結果
今天的醫生告訴我們
要給寶寶一些時間，一個機會
這類case變數雖然很多
但有變數，亦可以是轉機
有些突然好轉情況係連醫學都解釋唔到
雖然呢類異常情況唔樂觀，但不需要太悲觀

頭先真係好大壓力好驚
去診所至到照緊果陣，全程個頭係痛到爆開左咁
其實只要淼淼情況冇再惡化落去
水爸水媽都會愛你，幾辛苦都唔會放棄你
即使你沒有健康的身體，都可以有快樂的人生

當遇有不開心的時候
水生總會笑著的哄我，支持我鼓勵我
雖然，我知他的眼淚在心裡流
我們都不知道結果是悲是憂
但這刻感恩有老公在身旁

深深感受到

BB不論咩樣子，聰唔聰明，乖唔乖
已經唔重要
媽媽只想你健康健全地來到這個世界
每個順利來到這世界的寶寶都是幸福的
希望淼淼能成為幸運兒
感謝大家的支持同打氣
祝福每位孕媽的胎兒都健康快樂

先喜而後憂的照結構日

終於等到照結構日，
頸都長曬可以再見淼淼一面😍😍😍


淼淼第一次照，爭10隻手指未睇等清楚👐
因為佢兩隻手仔都揸實拳頭👊🏻👊🏻
而家要行下等下再入去照
唔知等幾耐👉🏻👈
確認左淼淼係little gingko黎👧



照左3次，
醫生相當確定淼淼手部狀況有異常
轉介到醫院再檢查
水生和我的心情很沉重
詳細情況唔講住，希望吉人天相，
多謝關心，暫請勿擾

我們這一家 過新年

水先生水太太首個新年，飯後特備節目！


一家三口拍拍拖，下年淼淼出左世唔知仲有冇時間行lu


年年都會買揮春，旦黃哥hea住成為新寵呀！


呢隻磁石馬騮公仔一見即愛上🙊🙈🙉
加上我媽，我哥，水生，淼淼都屬猴
一屋馬騮仔梗係買返隻黎應節啦🐒🐒🐒🐒
仲有拜年mode tim 超得意！！



水先生水太太 first year 派利是👫💕
We are ready 💰💰💰💰💰
下年到淼淼同大家拜年👶

DFS彩妝示範share後記

上星期於希慎廣場DFS旗下T廣場
即場的彩妝示範已順利完成✨✨
謝謝到場的每一位💋💋💋
看見你們很留心觀看，大大的滿足💓💓💓
希望有機會再跟大家分享美妝心得💄

腰果眼原來已經變左係招牌笑容😆
比較喜歡開心自然笑的自己，
已不像少女杏果D碌大眼仔chok笑樣😬
此期間開始淼淼媽孕味已相當濃郁💁🏼👶🏻

‪#‎TGalleriaBeauty‬
‪#‎DFS新鮮事‬
‪#‎DFS‬
‪#‎TGalleriabyDFS‬
‪#‎TGalleria‬

有咩冧得過老公買左保溫杯
仲要焗埋紅棗水😇😇