奉子成婚 即刻成親 (後記)

我諗每個女仔都會把自己的婚禮幻想一千次，一萬次

雖然工作上曾做過超過幾百場婚禮
但真係估唔到會係呢個形式下舉行
沒有華麗的場景，漂亮的婚紗
（但個樣要靚就梗係堅持架啦>3<）

成個婚禮，天氣，場地，服裝，
可能於新娘子們眼中都不是完美的
但最重要是人在，情在，老公在
真正簡簡單單，係我心目中不要很造作，不需極完美，
輕鬆一家人開開心心，屬於我們的婚禮，整個婚禮都是以人為主
整個過程響又感動，又搞笑既氣氛下完成

最衰都係水生，佢喊搞到我又喊，隻眼即刻腫左>.<
之後佢又整D衰衰表情搞曬笑，攞命！

Anyway, 正式成為水太太了♥

整個婚禮完成後，記憶點最深的是這滴眼淚


喊完又笑返，成個小朋友咁


睇到水生工作辛勞到手皮都粗曬，突然心痛

扁咀簽署賣身契～

有咩幸福得過當你想發顛既時候，

身邊果個會陪你顛，甚至會顛過你！

攝影師話不如錫一錫太陽穴

水生話要反傳統我錫佢！我又真係照做！太搞笑！

呢兩條友玩夠未？sorry太開心控制唔到囉～

禮成>3<

收到Kenny大師我地結婚當日響律師樓附近影的靚相<3

當時已經落住毛毛細雨，所以影完就快快閃人了！辛苦大師！

我發現原來不是很多人會每天戴婚介💍
但我覺得真係好sweet woo💓💓
即使做野唔方便都希望可以堅持堅持💪🏻
這幾天每看到介指都會諗起水生
估唔到拍拖8年都仲keep到呢份溫馨👫
齊齊努力為這段感情保鮮💏

P.s 不論哪個角度都是肥嘟嘟不漏財手指
娶老婆梗係要娶呢款😎😎

奉子成婚 即刻成親 (註冊篇)

出門口啦

Ready be 水太太 today

成日比人問我結婚會搵邊個化妝

我發現我都係鍾意自己化自己多D
不過化妝連整頭搞左我粒半鐘

我都係幫人化快靚正D囉XD

首先要多謝Winnie, 原本借左件短婚紗比我，但太凍放棄左

果日落大雨得6度咋。。。凍瓜大肚婆了～

最後之前一晚去韓裝店買到條連身裙，最緊要唔見肚為主！

至於頭飾麻，就冇特別準備啦，因為根本一屋都係 XDD

仲有熱心的iris話好想造個花球比我，

但我實在太鍾意上次響上你堂學造既呢個花球，好想用，

你既花球賀禮我會留返擺酒先，heehee

因為成件事急得黎又大住個肚好攰冇咩心情搞

選擇左響律師樓＋屋企人簡單開心為主

水生呢套衫好多人都以為係特登造

其實邊度趕得到

呢套係佢平時著架，佢話最低調呢套啦，我同意！

特別嗚謝心目中結婚註冊必備人物
（除左老公同家人外）
My best 攝影師 Kenny 同 星級監禮人 Anthony 

奉子成婚 即刻成親

杏子小姐成為水太太，只需15分鐘！

因為冇影到pre-wedding

所以原本打算註冊完周圍影下相
但實在太大雨
就轉左場去水生朋友間cafe度影

感激eddie臨時借出場地
點知遇到珍珍食緊tea，好開心呀<3

對於一個大肚婆黎講
除左靚，一定係保暖同舒服最重要

又比我買到件靚靚韓牌褸，

仲要勁修腰，平時都著得，

岩曬慳家既淼淼媽

短短15分鐘滿載又喊又笑的回憶

最後多謝曬大家的祝福，水氏一家收到曬

感謝大家滿滿的愛

過山車式心情孕記

寶寶的威力真係好強大

呢排好忙好多野煩，又成日唔舒服
搞到燥燥地又會好多事憂心

頭先去醫院抽血同做例行檢查

見到淼淼fing曬頭又手腳左右搖
好活潑好得意，

fing起上黎仲覺得D動靜同水生好似，搞笑

即刻心情靚曬！神奇！！

尋晚我同水生講
第時你一定要錫我多啲
因為這個家裡
淼淼有2個人疼，我只有你1個人錫♡

we are 水先生＆水太太

好多人都話覺得我同水生好恩愛

其實我地以前嗌交密度同強烈程度都會嚇親好多人，

形容為轟轟烈烈不為過

當彼此的愛同互相遷就多左

(雖然都係水生就我比較多)

而家的確冇咩幾可要用到嗌交去解決問題

特別係當有左淼淼同準備做人妻之後

感覺更加有唔同

以前幾咁親密的男女朋友都會分你我

特別係我地兩個都要強好勝

會有比較，會分你岩我錯又或者我贏你輸

而家要共同面對黎緊既困難同挑戰

兩小口子合一，真正齊上齊落，風雨同路
每一個決定都係共同承擔

可以去到呢個關係的確要付出同改變好多
用有血有淚形容亦不誇張

希望到淼淼出左世之後
都可以keep住呢份尊重同體諒

因為好多人都話有小朋友之後會更多意見分歧wo

我地會努力組織一個充滿正能量的水家庭 <3

水生實在太緊張

搞到我成個手袋都係補充品！

一日真係食唔到咁多，而家隔住食～～～～～

大肚杏媽之開工孕記

之前條友仔講過話搬左上山之後
應承左每次出job都會幫我搬喼
但有時佢就唔到時間要我自己搬上搬落
唔多唔少都會發脾氣，有人講過唔算數
而家升左呢有孕婦優惠
自動自覺得黎又專車接送
母憑女貴，條氣順曬


是日新娘子十級可愛😍😍😍
My cup of tea☕
libby比較喜歡花亦特別的配飾🌸🌸
又有諗過用鳯冠
但我又唔想影響到佢個劉海
因為all back即時可愛味會大減
所以就設計左呢個headmade皇冠型鳯冠
真係carry得好好成件事完美配搭✌🏻️✌🏻
得左😎😎😎


萌萌的合照👭
大家唔使咁操心，新娘子非常錫住我💓💓
化完妝仲問我使唔使休息陣，訓一陣都得架wo😮
咁又唔使咁誇張，見到你咁靚我不知幾醒神😁😁
今日仲要有2個助手左右護法咁傍住，完全唔辛苦大家放心


萌萌的合照👭
大家唔使咁操心，新娘子非常錫住我💓💓
化完妝仲問我使唔使休息陣，訓一陣都得架wo😮
咁又唔使咁誇張，見到你咁靚我不知幾醒神😁😁
今日仲要有2個助手左右護法咁傍住，完全唔辛苦大家放心


原定南生圍外拍
但今朝落雨驚變泥地
最後選擇左樓下個公園

但真心覺得個公園又幾靚wo


ready 註冊啦！


有冇人解釋到典解貢靚既😍
吳若希mode 典解既典解既😆😆😆
Libby好hyper不停自我介紹我而家係elsa，好cutie呀


準備march in 啦♡♡♡♡♡
今日啲look全部都好gingko feel=^^=


竊看仙女的背影💓💓💓💓
完滿收工✌🏻️
辛苦曬全日幫手的jade,早上幫手的queenie,晚宴幫手的yoko 😘😘😘
所有徒子徒孫都又乖又幫得手，實在好幸福


順利完成今天的美麗任務💁🏼👰🏻✨
很感激Libby一起初已鐵定意屬要找我，因為新郎是髮型師，
起初以為你是找我淨化妝呢，原來你是如此鍾情我的花嫁造型設計


今天全日都在你的讚美聲中度過，幾忙都叫我休息下同記得食野，
小杏同淼淼今天過得很幸福喔


再次辛苦曬全日幫手的jade,特登早上幫手的queenie,
得半日都比我友埋黎晚宴幫手的yoko 😘😘😘


特別嘉許yoko，新娘漏左個頭紗響天水圍女家冇拎，
yoko都叫到老公響旺角屋企速遞頭紗到九龍塘註冊用，
仲要拎左一疊黎有得揀，如此強勁真係無得輸！
今天實在很輕鬆，爽皮