The END of 2015

仲有一日就2016啦

今年真係發生左好多事，好感慨
所以本身唔興寫年結既我都忍唔住想寫

跟水生相愛8年

甜蜜的，痛苦的，都一一經歷過
雖然我地未正式結婚，但比真正兩公婆更做到富貴患難與共

不離不棄，一起同居生活8年其實很不容易

而家仲要出現左第三者，人生步上不同階段

水生真係好幸福架

因為唔係特別鍾意小朋友+事業為先既我
以前根本唔會考慮生仔

又知佢鍾意到爆，唯有局住要認真考慮下，自我軟化

到唔想要，到考慮要，再到真正有左有開心既感覺，完全係無限糾結

其實調返轉諗，搵到一個你肯為佢生仔既男人，都係另一種幸福黎

(今朝仲嘔緊，而家都仲講得出好幸福就真係好幸福...)

事業方面，
自己可算穩步前進，水生卻係突飛猛進

平日出外做事，往往都比到人獨立自主的感覺，

但其實背後支撐同身邊支持都係同一個不可多得的好男人，

所以我非常能體會到成功女人背後個男人係幾咁重要

所有榮耀，掙扎，苦惱都有佢陪我悲喜

但睇返啲相，響佢工作入面，都係靠自己努力，

連佢工作上有小成就，去攞獎我都抽唔到時候去睇 (罪過罪過)

以前佢事業未起，有好多人睇死我地呢pair，話佢靠老婆養一世
但係我想講一個叻既女人，睇得上眼一定係個更叻既男人，

你睇張家輝，劉青雲，張智霖，張晉就知，

其實叻既女人揀野都好叻架！！！！！

出年要做人老婆兼媽媽，

好老婆來年都要幫水哥手，努力齊賺奶粉錢<3

孕媽咀刁孕記

Good news!! 
呢兩日開始終於有返D食欲啦

Keep住好多野都唔食得

我最愛既生冷野全部要戒！！！

好彩豬肉都有好多好選擇

不過依然係訓得唔好，一晚彈起身3～4次去廁所 T＿T

講左成個星期話想食民聲，
終於食到,YEAH!!

原本已經咀叼的我而家變得更加咀叼

頭先訓完晏覺一開眼
諗起想食咩野就一定要食果樣野

特登要水生車我出黎食

水生話我巴之閉
其實揀野食果個係呀B咋
唔岩食嘔返出黎就唔好啦！

尋晚發現胃口好左

諗住可以迎接蜜月期的來臨

點知發現開心得太早

今朝又嘔黃膽水 >.<

等水生尋晚仲去一田買左塊靚扒
只能淺嚐兩口，便無福消受 T＿T

睇黎呀B唔多like食吉野家

返到屋企全盒飯嘔返曬出黎

仲再無聲抗議嘔埋D胃液出黎

水生拿拿臨整返碗牛丸蕎麥麵比我宵夜
呀B保你大唔好再嘔啦，我想今晚有野比你食呀 >.<

山長水遠再等一粒鐘都要食華嫂！ 

呀B似乎岩食，好好胃口大滿足<3

駕車中的我倆
水：今晚食咩
我：嗯...突然淨係諗到想食蕃茄炒旦
水：下.................
我：我個腦淨係諗到想食呢樣野咋......
水：咁我去前面街市買蕃茄整比你食啦
我：<3 <3 <3 <3 <3

杏媽媽第一對孕婦鞋

多謝好友媽媽級推介，呢對hush puppies個底墊好有彈性，

鞋身又夠軟水腫都唔夾腳，爽皮！

搞笑mode, 水生話買多對陪我著媽媽鞋，順便情侶裝

係佢咁姣至carry到女裝鞋XD

突然成件事好溫馨

水水奶爸實戰學習中
做咩捉住人地個B女睇金魚 (汗)

話說尋晚訓唔著又爬上網

睇左幾篇媽媽生產過程blog
更加訓唔著，好驚>_<

痛三十幾個鐘，十度全開最後關頭都係開刀！！！！！
產經比恐怖片更恐怖 T_T

我忍忍忍忍忍住！唔講得！

終於都等到三個月可以講得😆
全世界也安靜，為了聽我宣布📢📢
其實第五周果時已經發現呢粒小生命存在👶
忍到第十二周先講得，真係忍忍忍忍忍

同朋友食飯好多野唔食得不能講🙊
腰痛到腳痺不能跌打不能講🙊
感冒到半死不能食西藥不能講🙊
唔出席大型活動同唔去片場不能講🙊
唔拎得重野上落不能講🙊
頭頂出曬D黑色唔可以染髮不能講🙊
總之任何身體不適頭暈身慶都沒有孕婦待遇
總之🙊🙊🙊🙊🙊🙊🙊🙊

有時很佩服身邊的媽媽們，為何可以頭三個月如此輕描淡寫帶過，仲可以返工
我第六周之後已經苦過dee dee
朝早必嘔黃膽水，夜晚仲會成份晚餐嘔曬出黎
攰到每日無啦啦下午5點幾訓完，轉頭9點幾又訓著左，
胃氣漲到反胃，又頂到訓訓下醒左，一晚醒幾次冇曬精神
皮膚出左好多暗粒簡直係歷史以來最差
所以除開工教班外，都盡量唔出街，西貢返佐敦，搭的士有時都會chok到嘔左出黎
所以真係辛苦曬公司2位長老幫我處理曬學校事務

雖然辛苦，但都有開心野
第7周果陣聽到佢急促既呼吸聲💨
而家仲見到佢手手腳腳出曬黎
Chok住擺個打泰拳咁既pose影相
又莫明地興奮，真係情緒過山車👻

之不過原本plan左下年去影北海道花海prewedding終告泡湯了

但17年已經擇左日擺酒就應該唔改啦，各位儲定人情吧🍶

三十幾歐終於生得出，有仔梗係趁嫩生左先，因為之前有共識隨時生仔，所以又未算好打亂個plan，大不了結婚生仔一齊黎個雙喜臨門👯好在拍左拖都8年穩穩定定，屋企人又冇炸型🙇

而家有左一個，水生仲話想生多個，嘩...諗諗先啦豬乸咩🐷

水生都叫左我好多次唔好咁辛苦，不如咪鬼做🙉
不過接左既工作我打算如期完成，但暫時不會接新工作啦。

教班方面因為下年2月新班已經收左生，所以都會教埋呢班先，

但生完之後仲開唔開新班，就要睇下個皇帝B造化啦👑 

總之5月尾就全面停工，等生7月B😎

來年大計就係努力生B，看似簡單但責任重大💪
好想快D知係仔定女😍😍😍
雖然水生又係好行貨答案，仔女都鍾意👫

杏子媽媽新手上路 ：）

記得對上一次開blog已經係2007年的事

合指一算都有4年幾冇寫過blog

同淼淼共同生活的10個月入面
實在太多大大小小的事情值得記住
所以，我又重回寫blog的懷抱啦👐🏻

以前會係化妝師身份分享好多扮靚美容大小事
而家正式做左人妻同埋淼淼媽
好希望可以記低每分點滴
等囡囡大個左之後可以更加感受到呢份愛
杏子媽新手上路 ：）

http://gingkomama.blogspot.hk

得知懷孕後的某一天

me：喂喂，我有左之後你覺得你有冇對我好D呀？
水：梗係有啦！
me：下，我有左你先至對我好D架？
水：咁對你一樣咁好囉！！
me：下，我有左咁辛苦都唔對我好D呀？
水：..................
點答你都奶野，仲唔陰到你 XDDD

大肚婆有十個月女王做！

不過可能之後要做二十年女傭。。。。

老公真係幾時都要識錫老婆！

多謝老公經常送我驚喜！